'ಖಜಾನೆ ವಾಲೀ ಚಿಡಿಯಾ' ಪ್ರಸಿದ್ದ ಮಕ್ಕಳ ಸಾಹಿತ್ಯಕಾರ ಪ್ರಕಾಶ ಮನು ಅವರ, ಕೊನೆಯವರೆಗೆ ಉತ್ಸುಕತೆಯನ್ನು ಉಳಿಸಿಕೊಳ್ಳುವ ರೋಚಕ ಮತ್ತು ಕೌತುಕಪೂರ್ಣ ಮಕ್ಕಳ ಕಾದಂಬರಿ. ನಾಲ್ಕು ಮುಗ್ಧ ಸ್ನೇಹಿತರು ಖಜಾನೆಯ ಹಕ್ಕಿಯ ಶೋಧದಲ್ಲಿ ಹೊರಡುತ್ತಾರೆ. ಅವರಿಗೆ ಖಜಾನೆಯ ಹಕ್ಕಿಯ ಕನಸು ಬೀಳುತ್ತದೆ. ಆಗ ಅವರು ಆ ಅದ್ಭುತ, ರಹಸ್ಯಮಯ ಹಕ್ಕಿ ಸಿಕ್ಕಿದರೆ ಅವರ ಎಲ್ಲ ಕಷ್ಟಗಳೂ ಪರಿಹಾರವಾಗುತ್ತವೆ ಎಂದು ಯೋಚಿಸುತ್ತಾರೆ. ಒಂದು ದಿನ ಮನೆಯವರಿಗೆ ಹೇಳದೆ ಆ ಹಕ್ಕಿಯ ಹುಡುಕಾಟದಲ್ಲಿ ಮನೆಬಿಟ್ಟು ಹೊರಡುತ್ತಾರೆ. ಆ ಖಜಾನೆಯ ಹಕ್ಕಿ ಎಲ್ಲಿ ಸಿಗುತ್ತದೆ ಎಂಬುದು ಅವರಿಗೆ ಗೊತ್ತಿಲ್ಲ. ಆದರೆ ಅಲ್ಲಿ ಇಲ್ಲಿ ಸುತ್ತುತ್ತಾ ಪ್ರತಿ ಸ್ಥಳದಲ್ಲೂ ಹುಡುಕುತ್ತಾರೆ. ಅಲ್ಲಿ ಅವರಿಗೆ ಬಹಳ ರೋಮಾಂಚಕಾರಿ ಅನುಭವಗಳಾಗುತ್ತವೆ. ಕೆಲವಡೆ ಸಿಂಹ ಮತ್ತು ದೊಡ್ಡ ಆನೆಗಳಿದ್ದರೆ, ಕೆಲವೆಡೆ ರಹಸ್ಯಮಯ ಗುಹೆಗಳು, ಕೆಲವೆಡೆ ಭಗ್ನಾವಶೇಷವಾಗಿರುವ ಅರಮನೆಗಳು...! ನಡೆಯುತ್ತ ನಡೆಯುತ್ತ ಅವರು ಸೋಮಾರಿಗಳ ವಿಚಿತ್ರ ಊರನ್ನು ತಲುಪುತ್ತಾರೆ ಮತ್ತು ಅಲ್ಲಿಂದ ಕೊಳಲುಪುರ ತಲುಪುತ್ತಾರೆ. ಅಲ್ಲಿ ಗಾಳಿಯಲ್ಲಿಯೇ ಸಂಗೀತ ಪಸರಿಸಿರುತ್ತದೆ. ಅಲ್ಲಿಂದ ಮರಳುವಾಗ ಅವರು ಒಂದು ಭವ್ಯ ಕೋಠಿಗೆ ತಲುಪು ತ್ತಾರೆ. ಅಲ್ಲಿ ಮಕ್ಕಳು ಒಳಗೆ ಹೋಗುತ್ತಾರೆ. ಆದರೆ ನಂತರ ಅವರ ಪತ್ತೆಯೇ ಹತ್ತುವುದಿಲ್ಲ ಎಂದು ಹೇಳಲಾಗುತ್ತಿರುತ್ತದೆ. ಕೊನೆ ಯಲ್ಲಿ ಅವರು ಪೋಲೀಸ್ ಸಬ್ ಇನ್ಸ್‌ಪೆಕ್ಟರ್ ಹರಿಹರನಾಥರನ್ನು ಭೇಟಿ ಮಾಡಿ ಅಪರಾಧಿಗಳನ್ನು ಹಿಡಿಸಿದಾಗ ಎಲ್ಲೆಡೆ ಅವರ ಹೆಸರು ಪ್ರಸಿದ್ಧವಾಗುತ್ತದೆ. ಕಾದಂಬರಿಯ ಅಂತ್ಯದಲ್ಲಿ ನಾಲ್ಕೂ ಉತ್ಸಾಹಿ ಗೆಳೆಯರು ಜೀವನದಲ್ಲಿ ಏನನ್ನಾದರೂ ಮಾಡುವ ಕನಸುಗಳನ್ನು ತಮ್ಮ ಕಣ್ಣಲ್ಲಿ ಹೊತ್ತು ಮನೆಗೆ ಮರಳುತ್ತಾರೆ. ಅವರಿಗೆ ಖಜಾನಯ ಹಕ್ಕಿ ಸಿಗಲಿಲ್ಲ. ಆದರೆ ಜೀವನವನ್ನು ನಡೆಸಲು ಸಹಾಯ ಮಾಡುವ ಅನುಭವಗಳ ದೊಡ್ಡ ಖಜಾನೆ ತಮ್ಮ ಬಳಿ ಇದೆ ಎಂಬ ಖುಷಿ ಅವರಿಗಿದೆ.